Birlashgan Arab Amirligi 5-iyun kuni bo‘lib o‘tadigan uchrashuv uchun chiptalar sotuvga chiqarilganini e’lon qildi.

Ta’kidlanishicha, OFK reglamentiga muvofiq mehmonlar uchun stadion sig‘imining sakkiz foiziga teng chiptalar taqdim etiladi.

Ma’lum bo‘lishicha, standart sektorlar uchun chipta narxi 20 dirhamga (70 ming so‘m atrofida – tahr.) baholanmoqda.

Xabarga ko‘ra, chiptalar tez fursatda sotilib ketmoqda.

Eslatib o‘tish lozim, BAA-O‘zbekiston o‘yini 5-iyun kuni Abu-Dabidagi 15 ming tomoshabinga mo‘ljallangan "Al Nahayyon" stadionida o‘tkaziladi.