28−29 may kunlari Italiya bosh vaziri Jorja Meloni O‘zbekistonga tashrif buyuradi. Xabarga ko‘ra, uchrashuvlar Samarqand shahrida bo‘lib o‘tadi.

Ma’lumot uchun, Melonining O‘zbekistonga rejalashtirilgan oldingi tashrifi Rim papasining vafoti sabab kechiktirilgan edi.

Rejaga ko‘ra, Italiya bosh vaziri 25-26-aprel kunlari O‘zbekistonda, 26-27-aprel kunlari esa Qozog‘istonda bo‘lishi, ikki davlatga rasmiy safardan tashqari Italiya–Markaziy Osiyo sammitida qatnashishi ham kerak bo‘lgan.

Xabarlarga ko‘ra, uning endigi tashrifiga ham O‘zbekiston va Qozog‘iston kiritilgan. U “Markaziy Osiyo—Italiya” sammitida ishtirok etadi.