Oʻzbekiston respublikasi Prezidenti Shavkat Mirziyoyev “2025-2026-yillarda sayyohlar oqimini keskin koʻpaytirish va turistik xizmatlar koʻlamini jadal kengaytirish orqali turizmning iqtisodiyotdagi oʻrni va ahamiyatini oshirish chora-tadbirlari toʻgʻrisida” qaror qabul qildi. Unga koʻra Prezident Tashqi ishlar vazirligiga uch oy muddatda quyidagilar boʻyicha muzokaralarni boshlash va takliflar kiritishni topshirdi:

- Rossiya, Qozogʻiston va Ozarbayjon fuqarolari uchun ichki pasport yoki ID-karta, 16 yoshgacha boʻlgan bolalarga “kinder pasporti” bilan Oʻzbekistonga 30 kungacha vizasiz kirishga ruxsat berish;
- AQSH fuqarolari uchun 30 kunlik vizasiz rejim joriy etish.
- Oʻzbekiston fuqarolari uchun AQSHga sayohat qilishda viza tartibini yengillashtirish.