Qozogʻistonning Ostona shahrida para-dzyudo boʻyicha oʻtkazilgan jahon chempionatida ayollar oʻrtasida J1 klassida (koʻzi ojizlar) — 64 kg vazn toifasida jahon chempioni boʻlgan Uljon Amriyeva Urgut tumanida tantanali kutib olindi.

Tuman hokimi Botir Jabborov ham ishtirok etgan tadbirda sportchining yutuqlari eʼtirof etilda va unga Prezident tomonidan berilgan xonadonning kaliti topshirildi.

Maʼlumot uchun, Uljon Amriyeva oltin medal uchun kechgan kurashda braziliyalik Silva Larissaga qarshi tatamiga chiqib, raqibasini ippon bahosi bilan magʻlub qilgan edi.

Kurashchi ushbu gʻalabasi bilan jahon chempioni boʻlgan birinchi oʻzbekistonlik koʻzi ojiz para-dzyudochiga aylandi.