Toshkent shahrida koʻtarilgan changli shamol tufayli Favqulodda vaziyatlar boshqarmasi xavfsizlik choralari eʼlon qilib, quyidagicha tavsiya berdi:

- yashash joylarida eshik-derazalar, chordoq va havo aylanish tizimlarini mahkam berkitish;

- koʻchalarda daraxt va elektr ustunlari tagida turmaslik;

- koʻp qavatli binolar balkonlarida, deraza tokchalari hamda tashqaridagi buyumlarni imkon qadar xavfsiz joylarga olib qoʻyish yoki mustahkamligini tekshirish;

- shamol kuchayganda, mustahkam qurilgan binolar, yer osti oʻtish yoʻllari va boshqa yashirinish mumkin boʻlgan joylarda muhofazalanish;

- buzilgan binolarga kirish, xavfli ustunlar, reklama ustunlari va daraxtlar ortiga yashirinish taqiqlanadi.

Toshkent shahar hokimligi aholini favqulodda holatlarda quyidagi telefon raqamlariga qo‘ng‘iroq qilishga chaqirdi: 1050, 1055, (71) 212-69-80, (71) 212-69-82.

Shuningdek, Poytaxt ekologiya boshqarmasi ham bunday ob-havo sharoitida sinish xavfi yuqori bo‘lgan daraxtlar yoki singan daraxtlarni ko‘rgan fuqarolar, bu haqda Ekologiya vazirligining (71) 207-11-07, (71) 207-11-08, 1157 va 1207 telefon raqamlariga qo‘ng‘iroq qilishlarini so‘radi.

Energetika vazirligi ham uzilgan elektr simlarni ko‘rganda, darhol 1154 raqami orqali xabar berishini so‘ragan.