“Yuksalish” harakati respondentlardan Toshkentda eng koʻp tashrif buyuriladigan bogʻlar va “yashil hududlar” boʻyicha soʻrovnoma oʻtkazdi.

Maʼlum boʻlishicha, “Tashkent City Park” suhbu manzillar orasida eng koʻp ovoz toʻplagan.

Soʻrovnomada eng koʻp ovoz toʻplagan poytaxtdagi koʻngilochar joylar va ularga tashrif buyuruvchilarning hajmi quyida koʻrsatilgan:

1. “Tashkent City Park” – 35%;

2. Gʻafur Gʻulom nomidagi istirohat bogʻi (Dream Park) – 31,2%;

3. “Magic City” – 29,7%;

4. “Koʻk gumbazlar” bulvari – 23,9%;

5. “Anhor-Lokomotiv” istirohat bogʻi – 23,2%;

6. Yapon bogʻi – 22,4%;

7. Zahiriddin Muhammad Bobur nomidagi markaziy ekopark – 20,9%;

8. Ulugʻbek nomidagi markaziy park – 19%;

9. “Doʻstlik” bogʻi (sobiq Bobur bogʻi) – 15,9%;

10. “Yangi Oʻzbekiston” bogʻi – 14,4%;

11. Navoiy nomidagi milliy park – 13,9%;

12. Ashxobod bogʻi – 12,8%;

13. “Lokomotiv” bogʻi – 12,1%;

14. “Gʻalaba bogʻi” – 9,6%;

15. Furqat nomidagi bogʻ – 7,6%.

Bundan tashqari, dam olish joylari qatorida Botanika bogʻi, “River” bogʻi, Abdulla Qodiriy nomidagi bogʻ, “Quyoshcha nuri” bogʻi (Bektemir tumani), “Yangi Sergeli” bogʻi, Adiblar xiyoboni, Amir Temur xiyoboni ham sanab oʻtilgan.

Tahlilga koʻra, soʻrovnomada qatnashganlarning katta qismi oyda bir marta istirohat bogʻlariga borishini maʼlum qilgan. Shuningdek, haftasiga tashrif buyuruvchilarning soni ham anchagina.

Respondentlarning katta qismi shahardagi parklardan umuman olganda mamnunligini, lekin kamchiliklar borligi taʼkidlagan.