Toshkent shahrida joylashgan “Botanika” bogʻida fan va musiqa muxlislari uchun rok konserti tashkil etiladi.

Xabarga koʻra, tadbirda jonli rok va ilm nafasi uygʻunlashgan noodatiy muhit yaratiladi.

“Formula” ilmiy festivali doirasida oʻtkazilishi rejalashtirilgan konsertni tashkil etishda Rokiston hamda Oʻzbekiston Fanlar Akademiyasi hamkorlik qiladi.

Sahnada “Shovqin”, “Yosh Blond” va “Bu Qala” guruhlari chiqish qiladi.

Festivalga kirish bepul, faqat bogʻ hududiga kirish uchun toʻlov qilinadi.