2025-yilning birinchi choragida Rossiya qurilish maydonlarida ishlayotgan migrantlar soni oʻtgan yilgiga nisbatan 15-20 foiz — 500 ming kishiga kamaygan. Bu haqda Rossiya Quruvchilar milliy birlashmasi rahbari Anton Glushkov “Rossiya — Islom dunyosi Kazanforum 2025” XVI xalqaro iqtisodiy forumida maʼlum qildi, deb yozadi RIA novosti.

Shu bilan birga, qurilish bilan band boʻlganlar orasida migrantlar ulushi ortgan: joriy holatga koʻra ular 14 foizni tashkil etmoqda.

Birlashma rahbari bu tendensiyani Rossiyada qurilishlar sekinlashishi bilan bir vaqtda migratsiya siyosatining kuchaytirilishi tufayli ishchi kuchiga boʻlgan ehtiyojning kamayishi bilan izohlagan.