14-may kuni Tojikiston prezidenti Emomali Rahmon bir qator qonunlarni imzoladi. Bu haqda mamlakatning Xovar axborot agentligi maʼlum qilgan.

Imzolangan qonunlar orasida ijtimoiy tarmoqlardagi postlarga “layk” va boshqa belgilarni qoʻyganlik uchun jinoiy javobgarlik bekor qilinishi koʻzda tutilgan qonun ham mavjud. Qayd etilishicha, “Tojikiston respublikasi jinoyat kodeksiga oʻzgartirish kiritish” toʻgʻrisidagi qonunga qadar mazkur norma bilan 1500dan ortiq fuqaro javobgarlikka tortilgan.

Qayd etilishicha, qabul qilingan qonunlar mamlakatning barqaror ijtimoiy-iqtisodiy rivojlanishi va aholi farovonligini taʼminlashga qaratilgan.