Davlat rahbari raisligi oʻtayotgan yigʻilishda dual taʼlim toʻliq joriy qilinishi mumkin boʻlgan soha tibbiyot ekani taʼkidlandi.

Lekin tibbiyot oliygohlari qoshidagi birorta klinika ularning balansida emasligi bunga toʻsqinlik qilayotgani qayd etildi.

Mutasaddilarga Qoraqalpogʻiston, Fargʻona va Urganch tibbiyot oliygohlariga moliyaviy mustaqillik berish, Qoraqalpogʻiston, Buxoro, Samarqand, Toshkent, Fargʻona va Urganch tibbiyot oliygohlari klinikasini ham ularning tarkibiy tuzilmasiga oʻtkazish topshirildi.

Bunda oliygohlarning tegishli kafedralari klinika boʻlimlaridagi davolash ishlarini boshqaradi.

Tibbiyot oliygohlari rektorlari esa oʻz tizimidagi klinik bazasi boʻlgan boshqa muassasalarni ham taʼmirlash-jihozlashga masʼul boʻladi.