Madaniy meros agentligi “Milliy merosga mening hissam” umumxalq aksiyasi doirasida aholi vakillaridan jadidchilik harakatiga oid tarixiy materiallar, ashyolar, noyob suratlarning Jadidlar merosi davlat muzeyi uchun xarid qilinishi maqsadida qabul jarayoni boshlanganini eʼlon qildi.

Milliy merosga oʻz hissasini qoʻshish niyatida boʻlgan fuqarolardan eksponatlarni Toshkent shahar, Mirzo Ulugʻbek tumanidagi “Lashkarbegi” koʻchasida joylashgan 19-uyga olib kelishlari soʻraladi.

Bundan tashqari, aksiyaga befarq boʻlmaganlar +998-90-250-77-41 telefon raqami orqali bogʻlanishi mumkin.