Elyorbek Rahmatillayevich Karimov Andijon viloyati Andijon shahar hokimi lavozimiga tayinlandi. Bu haqda Andijon viloyati hokimligi matbuot xizmati xabar berdi.

Elyorbek Karimov 1986-yilda Izboskan tumanida tugʻilgan. 2008-yilda Andijon qishloq xoʻjalik institutini tamomlagan.

Mehnat faoliyati davomida gʻaznachilik hamda moliya tizimining tuman hamda viloyat idoralarida masʼul lavozimlarda, shuningdek, Izboskan tumani hokimining birinchi oʻrinbosari, viloyat investitsiyalar, sanoat va savdo boshqarmasi boshligʻining birinchi oʻrinbosari, Oʻzbekiston Savdo-sanoat palatasi Andijon viloyati hududiy boshqarmasi boshligʻi lavozimlarida faoliyat yuritgan.

U bugunga qadar Izboskan tumani hokimi lavozimida faoliyat yuritayotgan edi.