Oʻzbekiston Respublikasi Prezidentining tegishli qaroriga muvofiq Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari Qayumov Asadulla Urolovich “Oʻzbekiston respublika tovar-xomashyo birjasi” boshqaruv raisi etib tayinlandi. Shu munosabat bilan u qoʻmitadagi lavozimidan ozod etildi. Bu haqda qoʻmitaning rasmiy telegram kanalida xabar berildi.

Asadulla Qayumov ilk faoliyatini 2007-yil Qoʻmitada yetakchi mutaxassis lavozimidan boshlagan va 2017-yilga qadar bosh mutaxassis, boʻlim boshligʻi oʻrinbosari hamda boshqarma boshligʻi lavozimigacha koʻtarilgan. 2022-2025-yillarda Qoʻmita raisining birinchi oʻrinbosari, oʻrinbosari lavozimlarida faoliyat olib borgan.

2019-yildan buyon O‘zbekiston respublika tovar-xom ashyo birjasida boshqaruv raisi lavozimida ishlab kelayotgan Ziyoviddin Badriddinov Energiya samaradorligi milliy agentligi direktori etib tayinlandi.