Oʻzbekistonda xizmat koʻrsatgan sanʼat arbobi Mansur Ravshanov 88 yoshida olamdan oʻtdi.

Maʼlumot uchun, Ravshanov 1937-yilda Qashqadaryo viloyatida tugʻilgan. 1963-1974-yillarda Surxondaryo teatrida avval aktyor, keyinchalik rejissyor, bosh rejissyor faoliyatini olib borgan. U Surxondaryo viloyat qoʻgʻirchoq teatrining vujudga kelishiga katta hissa qoʻshgan.

Mansur Ravshanov faoliyati davomida “Alpomish”, “Boy ila xizmatchi”, “Maysaraning ishi”, “Jononga bordim bir kecha”, “Alisher Navoiy”, “Parvona”, “Nurxon”, “Ajab savdolar”, “Kelinlar qoʻzgʻoloni”, “Oʻz arizasiga koʻra”, “Makr va muhabbat”, “Momo yer”, “Oq kema”, “Kelin va kuyov”, “Amir Temur va Yildirim Boyazid”, “Alpomishning qaytishi” kabi spektakllarni sahnalashtirgan.