Xalq deputatlari Bekobod tumani Kengashining navbatdan tashqari sessiyasida Nizomiddinov Zaynilobiddin Shahobiddinovich tuman hokimi etib tasdiqlandi.

Nomzodni Toshkent viloyati hokimi Zoyir Mirzayev tavsiya qilgan boʻlib, shu kungacha tuman hokimi lavozimida ishlab kelayotgan Doʻstbekov Shuhrat Begimqulovich yoʻl qoʻygan xato-kamchiliklari uchun lavozimidan ozod etildi.

Viloyat hokimi oʻz soʻzida tumanni iqtisodiy-ijtimoiy rivojlantirishga doir va kechiktirib boʻlmaydigan dolzarb masalalarga ham toʻxtalgan. Jumladan, xizmatlar, investitsiya, byudjet tushumlarini taʼminlash borasida hudud bugun viloyatda eng oxirgi oʻrinlarda ekanini qayd etgan.

Maʼlumot uchun, Nizomiddinov bungacha Oʻzbekiston kasaba uyushmalari federatsiyasi raisining birinchi oʻrinbosari boʻlib ishlab kelayotgan edi.