Turkiya Buyuk Millat Majlisi (TBMM) raisi Numan Kurtulmush Oʻzbekistonning qadimiy Xiva shahrida Islom hamkorlik yoshlar forumi (ICYF) tomonidan tashkil etilgan “Yoshlar Turk dunyosining koʻtarilayotgan yulduzi: mushtarak merosimiz, mushtarak kelajagimiz” mavzusidagi anjumanda soʻzladi.

U oʻz murojaatida Markaziy Osiyodan Anadolu, Bolqon va Yevropagacha boʻlgan 300 million aholini birlashtirgan Turk dunyosi kuchayib borayotgan global kuchga aylanib borayotganini va Sharq bilan Gʻarb, Shimol va Janub oʻrtasidagi taranglikdan xoli yangi tinchlik oʻqini yaratish salohiyatiga ega ekanligini taʼkidlagan.

“Turkiy dunyo umumiy alifboga ega boʻlishi kerak. Keyin umumiy tarix yaratishimiz lozim. Bu eng muhim nizomlarimizdan biri. Shundagina 300 million kishi yagona shaxsiyat va umumiy meros vakiliga aylanadi”, – degan u oʻz nutqida.

Shuningdek, Kurtulmush turkiy xalqlar madaniyati davlat chegaralaridan ustun ekanini urgʻulagan:

“Qozogʻistondagi Ahmad Yassaviyni Xivadagi Yusuf Hamadoniydan ajratadigan chegara yoʻq. Qirgʻiziston bilan Oʻzbekistondagi madaniy meros oʻrtasida masofa degan narsa yoʻq”.

Turkiya Buyuk Millat Majlisi (TBMM) raisi ilm-fan va texnologiyalar mavzusida Turkiyaning mudofaa sanoatidagi yutuqlarini tilga olar ekan, Qurtulmush mazkur yutuqlar butun dunyoda mudofaa strategiyalarini oʻzgartirganini qayd etgan va turkiy davlatlar oʻrtasida yuqori texnologiyalar sohasida hamkorlikni kuchaytirishga chaqirgan.