Zakovat teleoʻyini tashkil etilganining 25-yilligi munosabati bilan Intellektual klub telekoʻrsatuvda bir qancha yangiliklar qilish rejalashtirilganini maʼlum qildi.

Xabarga koʻra, yil finalida yilning eng yaxshi bilimdoniga yubiley mavsum uchun BYD krossoveri sovgʻa qilinadi.

Bundan tashqari, joriy yildagi har bir oʻyinda superblits oʻynaladi va unda gʻolib boʻlgan bilimdonga Oʻzbekistonda ishlab chiqarilgan avtomobil topshiriladi.

“Qadrli Zakovat muxlislari, yilning eng yaxshi bilimdoni deb savol mualliflari ham topilishi mumkinligini inobatga olib, oʻyinga qiziqarli savollaringizni joʻnating va imkoniyatni qoʻldan boy bermang!” deyiladi xabarda.