Maktabgacha, umumtaʼlim va maktabdan tashqari taʼlim muassasalari pedagoglari uchun joriy yilning yanvar-iyun oylarida oʻtkaziladigan malaka toifa sinovlari vaqti eʼlon qilindi.

Unga koʻra:

▪️ Rus tili (milliy maktablarda), Rus tili va adabiyoti, Geografiya fanlaridan — 15-16-aprel kunlari (2 kun);

▪️ Tarbiya, Davlat va huquq asoslari fanlaridan va umumtaʼlim muassasasi psixologi — 17-aprel kuni (1 kun);

▪️ Ingliz tili (umumtaʼlim), Fransuz tili (umumtaʼlim), Nemis tili (umumtaʼlim), Hind tili, Turk tili, Koreys tili, Xitoy tili fanlaridan — 18–21-aprel kunlari (3 kun);

▪️ Ona tili va adabiyot (oʻzbek sinflar uchun), Oʻzbek tili (Davlat tili) fanlaridan — 22–24-aprel kunlari (3 kun);

▪️ Jismoniy tarbiya (umumtaʼlim), Musiqa madaniyati, Tasviriy sanʼat va chizmachilik, Texnologiya (servis xizmati yoʻnalishi-qiz bolalar uchun), Texnologiya (texnologiya va dizayn yoʻnalishi — oʻgʻil bolalar uchun) fanlaridan — 25-26-aprel kunlari (2 kun);

▪️ Matematika fanidan — 28-29-aprel kunlari (2 kun);

▪️ Biologiya, Kimyo, Fizika fanlaridan — 30-aprel, 1-may kunlari (2 kun);

▪️ Boshlangʻich taʼlim fanidan — 2-, 3-, 5- va 7-may kunlari (5 kun);

▪️ Tarix fanidan — 8-may kuni (1 kun);

▪️ Chaqiruvga qadar boshlangʻich tayyorgarlik, Iqtisodiy bilim asoslari, Oʻqituvchi-defektolog (umumtaʼlim), Oʻqituvchi-logoped (umumtaʼlim), Tojik tili va adabiyoti, Turkman tili va adabiyoti, Qirgʻiz tili va adabiyoti, Qozoq tili va adabiyoti fanlaridan hamda Badiiy akademiya va Madaniyat vazirligi tasarrufidagi umumtaʼlim muassasalari pedagoglari uchun — 10-may kuni (1 kun);

▪️ Informatika va axborot texnologiyalari fanidan — 12-may kuni (1 kun);

▪️ Maktabgacha taʼlim muassasalari tarbiyachisi, Maktabgacha taʼlim tashkiloti psixologi, Musiqa xodimi (Musiqa rahbari), Rus tili (maktabgacha), Ingliz tili (maktabgacha), Fransuz tili (maktabgacha), Nemis tili (maktabgacha), Jismoniy tarbiya (maktabgacha), Oʻqituvchi-defektolog (maktabgacha), Oʻqituvchi-logoped (maktabgacha), Tarbiyachi-metodist (MTT direktor oʻrinbosari) — 13-14-may kunlari (2 kun);

▪️ Qoraqalpoq tili (Davlat tili), Qoraqalpoq tili va adabiyoti fanlaridan — 15-16-may kunlari (2 kun) malaka toifa sinovlari oʻtkaziladi.

Shuningdek, joriy yilning 15-may kuni (1 kun) Kasbiy sertifikat sinovlari oʻtkazilishi belgilandi.