"Uy-joy hamda bino-inshootlarni issiqlik energiyasi bilan ta'minlash sohasini tubdan isloh qilish hamda binolarning energiya samaradorligini oshirish chora-tadbirlari to'g'risida"gi Prezident qaroriga asosan Qurilish va uy-joy kommunal xo'jaligi vazirligi huzurida "Issiqlik ta'minoti" aksiyadorlik jamiyati tashkil etildi, deya Qurilish va uy-joy kommunal xo‘jaligi vazirligi matbuot xizmati xabar berdi.

Unga hukumat qarori bilan Turayev Ilhom Habibullayevich boshqaruv raisi etib tayinlandi.

Tayinlovga qadar Ilhom Turayev Qurilish va uy-joy kommunal xo'jaligi vazirligi Issiqlik taʼminoti tizimini rivojlantirish va ekspluatatsiya faoliyatini muvofiqlashtirish boshqarmasi boshlig'i lavozimida faoliyat yuritgan.