Qurilish-ta’mirlash ishlari olib borilishi munosabati bilan Olmazor tumanidagi Qorasaroy ko‘chasida transport vositalari harakati vaqtincha to‘xtatiladi. Bu haqda Toshkent shahar Transport va yo‘l-transport infratuzilmasini rivojlantirish bosh boshqarmasi xabar berdi.

Unga ko‘ra, 2025-yil 2-apreldan sentyabr oyigacha yo‘lning Abdulla Qodiriy ko‘chasi bilan kesishgan joydan Nurafshon ko‘chasi bilan kesishgan joyigacha bo‘lgan qismi yopiladi.

Avtobus yo‘nalishlaridagi o‘zgarishlar:

42-sonli avtobus: Kensoy qo‘rg‘oni – Chorsu savdo markazi (Sag‘bon ko‘chasi orqali).
43-sonli avtobus: Yunusobod mavzesi 6-daha – Ftiziatriya instituti (Sebzor ko‘chasi orqali borish, Sag‘bon ko‘chasi orqali qaytish).
109-sonli avtobus: Chuqursoy temiryo‘l stansiyasi – Chorsu metrosi (Sebzor ko‘chasi orqali borish, Sag‘bon ko‘chasi orqali qaytish).