Alisher Usmonov Forbes milliarderlar roʻyxatidan ilk oʻzbekistonlik sifatida joy oldi.

Usmonovning boyligi 16,7 mlrd dollar boʻlib, u dunyo milliarderlari reytingida 125-oʻrinni egallab turibdi.

Maʼlumot uchun, Alisher Usmonov oldin ham bu roʻyxatda bor edi, ammo shu paytgacha u Rossiya fuqarosi sifatida koʻrsatilar edi. Milliarder 2022-yildan beri Toshkentda yashab kelmoqda. Shu sababli ham endilikda Forbes reytingida uning vatani Oʻzbekiston deya koʻrsatilgan.

Eslatib oʻtish lozim, Alisher Usmonov 1953-yilning 9-sentyabr sanasida Oʻzbekistonning Chust shahrida dunyoga kelgan.