Samarqand shahrida birinchi “Markaziy Osiyo – Yevropa Ittifoqi” sammiti oʻtkazilishi munosabati bilan shaharning ayrim koʻchalari yopiladi.

Bundan tashqari, 2025-yil 1–5-aprel kunlari bir qator oliy taʼlim muassasalariga yozgi taʼtil hisobidan qisqa muddatli oʻquv taʼtili beriladi. Bu oliygohlar quyidagilar:

▪️ Sharof Rashidov nomidagi Samarqand davlat universiteti (SamDU);

▪️ Samarqand davlat chet tillar instituti (SamDCHTI);

▪️ Samarqand iqtisodiyot va servis instituti (SamISI);

▪️ “Ipak yoʻli” turizm va madaniy meros xalqaro universiteti;

▪️ Toshkent axborot texnologiyalari universiteti Samarqand filiali;

▪️ Samarqand davlat tibbiyot universiteti (SamDTU);

▪️ Oʻzbekiston- Finlandiya pedagogika instituti.

Oʻquv jarayonlari 7-aprel, dushanba kundan boshlanadi.

Maʼlumot uchun, ushbu oliygoh talabalari uchun qoldirilgan dars mashgʻulotlari yozgi taʼtilning ilk kunlari hisobidan oʻtkaziladi. Yaʼni, hozir 5 kun dam olishadi, evaziga yozgi taʼtilga 5 kun kechroq chiqishadi.