Olmaliq shahridagi “Terakli“ mahallasida “Doʻstlik va hamjihatlik ulugʻlangan yurt” shiori ostida maʼnaviy-maʼrifiy va madaniy tadbir boʻlib oʻtdi.

Xalqlar oʻrtasidagi doʻstlik rishtalarini mustahkamlash, millatlararo ahillik va hamkorlikni yanada kuchaytirish kabilar maqsad qilingan bu turdagi tadbirlar davomida sport musobaqalari, kitobxonlik madaniyatini keng targʻib qiluvchi chiqishlar, shuningdek, turli millatlarning milliy urf-odatlari, qadriyatlari va sanʼati namoyish etilyapti.

Ishtirokchilar milliy raqs, kuy-qoʻshiqlar, badiiy koʻrinishlar orqali oʻz madaniy meroslarini ifoda etib, oʻzaro hurmat va birdamlikni namoyon qilmoqda.