Xabaringiz bor, Abduqodir Husanov Qirgʻiziston terma jamoasi bilan boʻlib oʻtadigan oʻyin uchun Toshkentga kelgan edi. Shundan keyin blogerlar Husanov ishtirokida videolar tayyorlab, uni turli tadbir va bayramlarga taklif qilingani haqida maʼlumotlar tarqadi. Bu holat nafaqat mahalliy, balki dunyo miqyosida muhokamalarga sabab boʻldi.

“Manchester City” oʻzining instagram sahifasida Abduqodir Husanovning rasmini joyladi.

Post izohlarida angliyalik muxlislar OʻFAga keskin murojaat yoʻllab, tanqid qildi:

“Oʻzbekiston futbol assotsiatsiyasi, sizlar juda yomon ish olib borayotganingiz uchun Abduqodir Husanovning xavfsizligiga qisman javobgarsizlar. Ijtimoiy tarmoqlarda tarqalayotgan videolardan uning atrofini koʻplab tanigan yoki tanimagan insonlar oʻrab olgani koʻrinib turibdi. Bu uni chalgʻityapti va asabiylashtirmoqda. Uning xavfsiz va nazorat ostida boʻlishini taʼminlash sizlarning burchingiz. Bu xoh Oʻzbekistonda boʻlsin, xoh terma bilan xorij safarlariga ham tegishli. Uning boʻsh vaqtini hurmat qilib, eʼtiborini ortiqcha narsalarga chalgʻitmang va futbolchilik faoliyatini doimo birinchi oʻringa qoʻying. Sizlarning bunday boshqaruvingiz va eʼtiborsizligingizni shunchaki qabul qilib boʻlmaydi. Ishingizni yaxshiroq bajaring”, — deb yozadi foydalanuvchi.

Habikatura mavzu yuzasıdan yangi karikatura chizdi.