Nikohdan oʻtish jarayoni FHDY boʻlimiga borilmasdan, onlayn tarzda amalga oshirish mumkin boʻladi. Bunda fuqaro Yagona interaktiv davlat xizmatlari portalida roʻyxatdan oʻtadi. Shundan soʻng oʻzi haqida maʼlumotlarni kiritadi va arizani davom ettirish uchun invoys raqamini arizaning boshqa ishtirokchisiga taqdim etadi.

Ikkinchi taraf arizani tasdiqlagan holda invoys raqamini kiritib, xizmatdan foydalanishda davom etadi.

Keyingi bosqichlarda ariza beruvchilar uchun qulay boʻlgan FHDY boʻlimi, nikoh marosimi qanday tartibda oʻtkazilishi tanlanadi.

Tegishli maʼlumotlar toʻldirilgandan soʻng ariza FHDY boʻlimiga yuboriladi.

Arizachilar bir ish kuni ichida tibbiy koʻrikdan oʻtish uchun yoʻllanma olishi mumkin.

Bir oydan soʻng esa nikohni qayd etish uchun FHDY boʻlimiga boradi va nikoh shartnomasini olishi mumkin boʻladi.