Oʻzbekiston Respublikasi Prezidenti Shavkat Mirziyoyev Amerika Qoʻshma Shtatlarining markaziy va janubiy shtatlarida roʻy bergan halokatli tornadolar oqibatida koʻplab insonlar qurbon boʻlgani, jarohat olgani va katta talafotlar koʻrilgani munosabati bilan Prezident Donald Trampga taʼziya maktubi yoʻlladi. Bu haqida Sherzod Asadov maʼlum qildi.

Davlat rahbari mazkur xatda vafot etganlarning yaqinlariga sabr-toqat va bardamlik, jarohat olganlar tez fursatda shifo topishini tilagan.