Oʻzgidromet 14–16-mart kunlari uchun ob havo maʼlumotini eʼlon qildi.

Unga koʻra, mazkur sanalarda Oʻzbekiston boʻyicha iliq va quruq ob-havo saqlanib turadi.

Havo harorati asosan kechalari +4– +9 daraja iliq, kunduz kunlari +17– +22 daraja iliq, janubda va choʻl hududlarda 25 daraja iliqqacha boʻladi.

Shamol sharqdan 7–12 m/s tezlikda esadi.

Toshkent shahrida bugun va dam olish kunlari havo kam bulutli boʻladi. Yogʻingarchilik kutilmaydi. Shamol sharqdan birozdan oʻrtacha tezlikkacha esadi. Harorat kechalari +7– +9 daraja iliq, kunduz kunlari +19– +22 daraja iliq boʻladi.