Toshkent shahar hokimi oʻrinbosari Sharof Rahmonov va Fransiya tashqi savdo va xorijdagi fuqarolar boʻyicha vazir-delegat Loran Sen-Marten Toshkent tramvay tizimini amalga oshirish boʻyicha “yoʻl xaritasi”ni imzoladi.

Bu haqda 12-mart kuni Fransiya Tashqi ishlar vazirligida boʻlib oʻtgan vazirlik-idoralararo hujjatlarni imzolash marosimida qatnashgan jurnalist Aziza Qurbonova xabar berdi.

2016-yil 2-may kuni Toshkentda harakatlanayotgan soʻnggi tramvay yoʻnalishi – “Beshqayragʻoch” dahasi va Ippodrom oʻrtasida qatnovchi 17-tramvay yoʻnalishi yopilgan va shu tariqa Toshkent tramvayining 115-yillik tarixiga nuqta qoʻyilgandi.

Yangi tramvay poytaxtni Yangi Toshkent bilan bogʻlashi, liniyalarni Fransiyaning Alstom kompaniyasi qurishi rejalashtirilgan.