Oʻzgidromet 11-14-mart kunlari uchun ob-havo maʼlumotini eʼlon qildi.

Unga koʻra, joriy haftada Oʻzbekiston boʻyicha iliq va asosan quruq ob-havo boʻlishi kutilmoqda.

Faqat Samarqand, Qashqadaryo, Surxondaryo viloyatlarida bugun kunning ikkinchi yarmida va ertaga esa Surxondaryo viloyatining baʼzi joylarida biroz yomgʻir yogʻishi mumkin.

Shamol sharqdan 7–12 m/s tezlikda esadi.

Havo harorati asosan kechalari +4– +9 daraja iliq, kunduz kunlari +17– +20 daraja iliq, ayrim joylarda +22 daraja iliqqacha boʻladi.

Respublikaning togʻli hududlarida 11-12-mart kunlari vaqti-vaqti bilan yogʻingarchilik (yomgʻir, qor) boʻladi, 13-14-martda esa yogʻingarchilik kutilmaydi.

Toshkent shahrida bugun va ish haftasining oxirigacha yogʻingarchilik kutilmaydi. Shamol sharqdan oʻrtacha tezlikkacha esadi. Harorat kechalari +6– +9 daraja iliq, kunduz kunlari +17– +20 daraja iliqqacha boʻladi.