Foto: Internet tarmog‘idan olindi

Prokuratura organlari va Madaniy meros agentligi hamkorligida oʻtkazilgan nazorat tadbirlari davomida Samarqand viloyatidagi XIX-XX asrlarga oid 3 ta tarixiy masjid binolari buzib tashlanganligi hamda 1 tasi tegishli ruxsatsiz taʼmirlanganligi oqibatida yodgorliklarga jami 46,8 mlrd. soʻmlik zarar yetkazilgani aniqlandi.

Xususan, Kattaqoʻrgʻon tumanidagi “Kushoq ota” masjidi buzilib, yodgorlikka 19,6 mlrd, Urgutdagi “Ahmad Yassaviy” va “Hoji Oʻrinboy” masjidlari buzilib, yodgorliklarga 17 mlrd soʻmlik zarar yetkazilgan (jami 36,6 mlrd soʻm).

Bundan tashqari, Samarqand tumanidagi “Kulba” arxitektura yodgorligi ruxsatsiz taʼmirlangan. Natijada unga 10,2 mlrd soʻmlik zarar yetgan.

Bosh prokuratura aniqlangan holatlar yuzasidan jinoyat ishlari qoʻzgʻatilib, nazorat tadbirlari davom ettirilayotganini maʼlum qildi.