“Ookla” tashkiloti Oʻzbekistonning soʻnggi yillarda mobil internet tezligi boʻyicha katta koʻrsatkichlarga erishganini qayd etdi, deb xabar berdi Raqamli texnologiyalar vazirligi.

Maʼlum boʻlishicha, 2025-yil yanvar holatiga koʻra, mamlakat Speedtest Global Indexʼda 68-oʻringa koʻtarilgan. Oʻzbekiston 2020-yilda mazkur reytingda 133-oʻrinda edi. Shu hisobda, mamlakat internet tezligi soʻngi 4-yilda 65 pogʻonaga yuqorilagan.

Maʼlumot uchun, “Ookla” global internet tezligini oʻlchash va tahlil qilish bilan shugʻullanadigan yetakchi tashkilot hisoblanadi. U 2006-yilda tashkil etilgan boʻlib,Speedtest platformasi orqali butun dunyo boʻylab foydalanuvchilarga internet tezligini tekshirish imkonini beradi.

Tashkilot har oy Speedtest Global Index reytingini yangilab, dunyodagi mobil va simli internet tezliklarini taqqoslab boradi.