Ufuk Ulutash Turkiyaning Oʻzbekistondagi yangi elchisi etib tayinlandi. Bu haqda TIV matbuot xizmati xabar berdi.

27-fevral kuni Oʻzbekiston tashqi ishlar vaziri Baxtiyor Saidov Ufuk Ulutashdan ishonch yorliq nusxalarini qabul qildi va diplomatni ushbu lavozimga tayinlangani bilan tabriklab, diplomatik missiyasida muvaffaqiyat tiladi.

“Oʻzbekiston-Turkiya nafaqat ikki tomonlama sheriklik darajasida, balki mintaqaviy hamkorlik yoʻnalishida ham faol ishlamoqda. Ishonchimiz komilki, birgalikdagi saʻy-harakatlarimiz har ikki mamlakat ravnaqi va taraqqiyotiga xizmat qiladi” deb yozdi Baxtiyor Saidov oʻzining Telegram sahifasida.

Turkiyaning Oʻzbekistondagi elchisi lavozimida 2021-yil mart oyidan beri Olgan Bekar ishlab kelayotgan edi.