Buxoro viloyatining Gʻijduvon tumanida fuqaroga daraxtlarni noqonuniy kesgani uchun 18 mln 375 ming soʻm jarima solindi. Bu haqda viloyat Ekologiya boshqarmasi xabar berdi.

Qayd etilishicha, J.T. oʻzi yashaydigan Qaraxoni mahallasidagi 5 tup manzarali terak daraxtini oʻzboshimchalik bilan kesib tashlagan.

Holat yuzasidan huquqbuzar fuqaroga nisbatan Maʻmuriy javobgarlik toʻgʻrisidagi kodeksning 79-moddasi 1-qismi (Daraxtlarni, butalarni, boshqa oʻsimliklarni va nihollarni qonunga xilof ravishda kesish, kundakov qilish, shikastlantirish, yoʻq qilish yoki boshqa joyga koʻchirib oʻtkazish) bilan 9 mln 372 ming soʻm jarima hamda tabiatga yetkazilgan 9 mln soʻm zarar hisoblangan.