Bir qator viloyat tumanlariga yangi hokimlar tayinlandi. Bular:

Xurshid Nazarov Jomboy tumani hokimi lavozimiga tayinlandi. U shu paytgacha Ijtimoiy himoya milliy agentligi Samarqand viloyati boshqarmasi boshligʻi lavozimida ishlab kelayotgan edi.

Buranov Maxsud Erkinovich Nurobod tumani hokimi etib tayinlandi. Tayinlovga qadar u “Agrobank” aksiyadorlik tijorat bankining Samarqand viloyati boshqarmasi boshligʻi lavozimida faoliyat koʻrsatgan.

Xidirov Abror Abduazimovich Sirdaryo viloyati hokimining qishloq va suv xoʻjaligi masalalari boʻyicha oʻrinbosari — qishloq xoʻjaligi boshqarmasi boshligʻi vazifasini bajaruvchi etib tayinlandi.

Xushbaqov Qayum Norbekovich Paxtachi tumani hokimi etib tayinlandi. U tayinlovga qadar Samarqand viloyati hokimligi axborot-tahlil guruhi rahbari vazifasida faoliyat yuritib kelayotgan edi.

Avvalroq Muborak tumani hokimi lavozimiga Murodov Gʻolib Neʼmatovich tayinlangani haqida xabar berilgan edi.