David Kotaria Gruziyaning Oʻzbekistondagi yangi elchisi etib tayinlandi. U 19-fevral kuni tashqi ishlar vaziri Baxtiyor Saidovga ishonch yorligʻi nusxalarini topshirdi, deya xabar berdi TIV matbuot xizmati.

Vazir David Kotaria bilan uchrashuvda uni yangi lavozimi bilan tabrikladi va mamlakatlar oʻrtasidagi ikki tomonlama aloqalarni kengaytirish yoʻllarini muhokama qildi.

“Tashqi ishlar vazirligi janob elchini Oʻzbekistonda samarali diplomatik missiyasini amalga oshirishda har tomonlama qoʻllab-quvvatlashga tayyor”, – deb yozdi u Telegramʻdagi kanalida.