Akmalxoʻja Mavlonov Yengil atletika federatsiyasi raisi etib saylandi. Bu haqda Olimpiya qoʻmitasi axborot xizmati xabar berdi.

Bugunga qadar Akmalxoʻja Mavlonov Bojxona qoʻmitasi raisi sifatida faoliyat yuritib kelgan.

Tayinlov belgilangan yigʻilishda yengil atletika sport turlarini respublikada yanada ommalashtirish, bu borada mavjud imkoniyatlardan toʻliq foydalanish istiqbollari ham muhokama qilingan. Navbatdan tashqari saylov konferensiyasida shuningdek, federatsiya raisining oʻrinbosarlari va bosh kotibi ham saylanib, tashkilotning yangi tahrirdagi ustavi qabul qilingan.