Xalqaro qidiruvda boʻlgan shaxs Misrdan Oʻzbekistonga ekstraditsiya qilindi. Bu haqda “Dunyo” axborot agentligi xabar berdi.

Oʻgʻirlik va katta miqdorda tovlamachilik jinoyatlarini sodir etganlik uchun xalqaro qidiruvga berilgan Oʻzbekiston fuqarosi T.X.M. Misrda ekanligi maʼlum boʻldi. Jinoyatchi Interpolning Oʻzbekistondagi Milliy markaziy byurosi xodimlari tomonidan qidiruvga berilgan edi.

Maʼlum boʻlishicha, ushbu shaxs Misrda bir muddat talabalik maqomida yashirinib yurgan. Joriy yil yanvar oyida Interpolning Qohira shahridagi ofisi va Misr huquqni muhofaza qilish idoralari bilan birgalikda oʻtkazilgan tezkor tadbir davomida qoʻlga olingan.