2025-yilning 1-mart sanasidan boshlab “Uzcard” toʻlov tizimiga tegishli har bir tushum va chiqimlar haqidagi telefonga keladigan xabarnomalar uchun 168,4 soʻmdan yechib olinadi. Bu haqda sms-xabarnoma xizmatini koʻrsatuvchi “Play Mobile” kompaniyasining matbuot xizmati maʼlum qilgan. Avval ushbu xizmat narxi 84,2 soʻmni tashkil etgan.

Kompaniya maʼlum qilishicha, “Beeline”, “Humans, “Perfectum”, “Ucell”, “Mobiuz” va “UzMobile” mobil operatorlari mijozlari uchun 5800 raqamidan yuboriladigan har bir SMS narxi avvalgi narxdan ikki baravarga – 84,2 soʻmdan 168,4 soʻmga oshiriladi.