Alisher Navoiy tavalludining 580-yilligi munosabati bilan toʻrt jildlik “Alisher Navoiy ensiklopediyasi” nashr etildi.

Bugun, 12-fevral kuni Yozuvchilar uyushmasida mazkur kitob taqdimoti boʻlib oʻtdi.

Mazkur toʻrt jildlik nashr 1985 sahifadan iborat boʻlib, unga 78 nafar oʻzbekistonlik navoiyshunos, yosh tadqiqotchi, turkiyalik va ozarboyjonlik olimning mavzuga oid 3 mingdan ortiq ensiklopedik maqolalari kiritilgan.

Qomus Oʻzbek tilini rivojlantirish jamgʻarmasi tomonidan “Oʻzbekiston” nashriyotida 1000 nusxada chop etilgan. Unga Maqsud Asadov masʼul muharrirlik qilgan.