Bangladeshda futbol boʻyicha amputantlar oʻrtasida oʻtkazilayotgan Osiyo chempionati oʻz yakuniga yetdi.

Unda Oʻzbekiston amputantlar milliy futbol terma jamoasi Osiyo chempionligini yaqqol natijalar bilan qoʻlga kiritdi.

Jumladan, terma jamoa vakillari Indoneziya bilan boʻlib oʻtgan final bahsida raqib darvozasiga javobsiz 6 ta gol urdi.

Jamoa bungacha Indoneziya (8:1), Bangladesh (3:0), Nepal (13:0) va Iroqni (3:0) magʻlubiyatga uchratgan edi.

Shu hisobda Oʻzbekiston amputantlar milliy futbol terma jamoasi qitʼa birinchiligida 100 foizlik natija qayd etdi.