12-fevral — dunyoda Xalqaro ilm-fan sohasidagi xotin-qizlar kuni. Kecha Oʻzbekiston olima ayollari forumida ham ana shu kun nishonlandi. Unda ishtirok etgan Saida Mirziyoyeva mamlakatda ilm-fan sohasida xotin-qizlarni qoʻllab-quvvatlash ustuvor ahamiyatga ega ekanidan faxrlanishini taʼkidlagan.

Uning maʼlum qilishicha, Oʻzbekistonda olimlarning 48 foizini ayollar tashkil etadi.

“Ularning izlanishlari, kashfiyotlari va fidoyiligi ilhom baxsh etadi va ilm-fan ularga, ular esa ilm-fanga kerakligini koʻrsatadi.

 

Biz xalqaro hamjamiyat bilan ilm-fan tinchlik va farovonlikka xizmat qiladigan kelajakni bunyod etish yoʻlida birgalikda harakat qilamiz!” deb yozadi Prezident yordamchisi oʻz Telegram sahifasida.