Bugun Adiblar xiyobonida soʻz mulkining sultoni Alisher Navoiy tavalludining 584 yilligi munosabati bilan shoir haykali poyiga gul qoʻyish marosimi boʻlib oʻtdi.

Maʼnaviy-maʼrifiy tadbirda shoir-yozuvchilar, olimlar, davlat tashkilotlari, jumladan, Respublika Maʼnaviyat va maʼrifat markazi xodimlari, “Maʼrifat” targ‘ibotchilar jamiyati aʼzolari, talaba yoshlar va keng jamoatchilik vakillari ishtirok etishdi.

Tadbir davomida Navoiy merosi haqida gapirilib, asarlaridan parchalar o’qildi, qo’shiqlar kuylandi.