Endi “klik” qilib yuborish xavfli, deb yozdi advokat Bektosh Hatamov oʻz sahifasida.

Maʼlum boʻlishicha, hozirda baʼzi doʻkon, kafe, restoranlarga kirilganda, xizmat yoki mahsulot sotuvchi tomon terminal ishlamasligini sabab sifatida koʻrsatib, toʻlovni ilova orqali toʻlashni tavsiya etmoqda.

Hatamovning qoʻshimcha qilishicha, endilikda soliq organlari aynan shuni tekshirishga oʻtishgan. Bitta kartaga haddan ziyod ketma-ket pul tushirilgan boʻlsa, soliqdan qochish deya baholanmoqda va oʻsha tushgan summaning 10 foizini jarima sifatida korxonaga yozishmoqda.

“Oʻzi bu ish toʻgʻri ham boʻlgan, bu ish aslida ham soliqdan qochish hisoblanadi, bir qurilish mollari sotadigan doʻkon 34 milliard pulni jismoniy shaxs kartasiga tushirgan ekan. Soliqdan qochaman deb jinoyatchiga aylanib qolmang”, deb yozadi advokat.