Qirgʻiziston va Oʻzbekiston mahkumlarni almashadigan boʻldi. Bu boʻyicha qonun loyihasi Jogorku Kenesh tomonidan uchinchi oʻqishda qabul qilingan.

Maʼlum boʻlishicha, hozirda Oʻzbekistonda 42 nafar Qirgʻiziston fuqarosi, qoʻshni mamlakatda esa 97 nafar oʻzbekistonlik jazo oʻtamoqda. Qirgʻiziston bosh prokurori oʻrinbosari Umutkan Konkubayevaning soʻzlariga koʻra, bu fuqarolarning barchasi jazoni oʻz vatanida oʻtashda davom etadi.

Uning qoʻshimcha qilishicha, mamlakatlar oʻrtasida mahkumlarni topshirish toʻgʻrisidagi shartnoma 2024-yil 18-iyul kuni Toshkentda imzolangan.