2025/2026-oʻquv yilida Oʻzbekiston musulmonlari idorasi tasarrufidagi oliy va oʻrta maxsus islom taʼlim muassasalariga kirish test sinovlariga tayyorgarlik koʻrish uchun tavsiya etilgan darslik va adabiyotlar roʻyxati eʼlon qilindi.

Taʼkidlanishicha, joriy yildan kirish imtihonlarida chet tilidan arab tili boʻyicha milliy yoki xalqaro sertifikatlarga ega boʻlgan abituriyentlarga imtiyoz (maksimal ball) berish tartibi bekor qilinadi. Chet tili boʻyicha barcha abituriyentlar (sertifikati boʻlishidan qatʼiy nazar) test sinovlarida toʻliq ishtirok etadi.