Ijtimoiy himoyani rivojlantirish instituti tomonidan ijtimoiy–maishiy xizmatlarni baholash boʻyicha yangi tajribaviy tadqiqot oʻtkazildi. Unda yolgʻiz keksalar, yolgʻiz yashovchi keksalar, nogironligi boʻlgan yolgʻiz shaxslar va nogironligi boʻlgan yolgʻiz yashovchi shaxslar ishtirok etgan.

Maʼlum boʻlishicha, xizmatlardan foydalanuvchilarning aksariyati xizmatlarga 4,71/5 baho bergan. Bu esa xizmatlardan qoniqish darajasi yuqoriligini koʻrsatadi.

Qoʻshimcha ehtiyojlar haqida soʻralganda esa 43 foiz respondent tibbiy xizmatlarni (masalan, massaj) yaxshilashni taklif qilgan. 22 foiz respondent esa oʻzlariga qancha vaqt xizmat koʻrsatilishi kerakligini aniq bilmagan. Shuningdek, qatnashchilarning 77 foizi pullik xizmatlarni joriy etishga qarshi chiqqan.