Oʻzbekistonda Jismoniy va yuridik shaxslar oʻz mulklarini qoʻriqlash xizmatiga topshirish huquqiga ega. Endilikda ushbu xizmatdan foydalanish uchun my.gov.uz platformasi orqali onlayn ariza berish mumkin. Buning uchun esa toʻlov undirilmaydi.

Qoʻriqlash xizmatlari shartnomada keltirilgan shartlar asosida koʻrsatiladi. Bunda ariza beruvchi qoʻriqlash turlarini oʻz ixtiyoriga koʻra tanlaydi.

Jumladan, fuqarolar:

▪️ Signalizatsiya vositalari orqali;

▪️ Tashvish tugmalari orqali;

▪️ Saf boʻlinmalari orqali qoʻriqlanishni tanlashi mumkin.

Mazkur xizmat Oʻzbekiston Respublikasi Milliy gvardiyasi Qoʻriqlash bosh boshqarmasi tomonidan koʻrsatiladi.