The New York Times joriy yilda tashrif buyurishga arziydigan manzillar roʻyxatini tuzib chiqdi. Unda 52 maskan keltirilgan boʻlib, Buxoro shahari ham ular qatorida bor.

Maqolada Buxoro shahrining noyabr oyida xalqaro va oʻzbekistonlik ijodkorlar ishtirokida oʻtkazilishi rejalashtirilgan birinchi Buxoro biennalesi haqida batafsil maʼlumot keltirilgan.

“Biennale davomida Entoni Gormli kabi taniqli britaniyalik haykaltarosh, Misr va amerikalik oshpaz Layla Gohar, hindistonlik mashhur ijodkor Himali Singx Soin kabi jahon miqyosidagi yetakchi sanʼatkorlarning asarlari namoyish etilishi kutilmoqda”, deb yozadi nashr.

Maʼlumot uchun, tadbir 2025-yil 5−20-noyabr kunlari shaharning tarixiy hududida tashkil etiladi hamda zamonaviy sanʼatga bagʻishlanadi.