Bugun va dam olish kunlari respublika boʻyicha yogʻingarchiliksiz biroz bulutli ob-havo saqlanib turadi.

Kechasi havo harorati 0–3 daraja sovuq, baʼzi joylarda 5 daraja sovuqqacha, kunduzi quyosh havoni 6–11 daraja iliqqacha isitishi kuzatiladi.

Qoraqalpogʻiston Respublikasida esa kechasi 5–10 daraja sovuq, kunduzi 2–7 daraja iliq boʻladi.

Respublikaning ayrim joylariga kechasi va ertalab tuman tushishi mumkin.

Shamol sharqiy yoʻnalishdan yengil va oʻrtacha tezlikda esadi.

Toshkent shahrida esa biroz bulutli, yogʻingarchiliksiz havo boʻladi. Shamol sharqdan 3–8 m/s tezlikda esadi. Havo harorati kechasi 0–3 daraja sovuq, kunduzi 8–11 daraja iliq boʻladi.