Oʻzbekiston Respublikasi Prezidenti Ozarboyjon Respublikasi Prezidenti Ilhom Aliyev va Rossiya Federatsiyasi Prezidenti Vladimir Putinga Qozogʻistonning Oqtov shahri yaqinida “Ozarbayjon havo yoʻllari”ning yoʻlovchi samolyoti halokatga uchragani oqibatida koʻplab odamlar qurbon boʻlgani munosabati bilan hamdardlik yoʻlladi.

Shavkat Mirziyoyev, shuningdek, barcha jarohat olganlar tez fursatda sogʻayib ketishini tilagan.

Oldinroq Qozogʻistonning Oqtov shahri yaqinida bortida 69 nafar yoʻlovchi boʻlgan samolyot halokatga uchragani xabar qilingan edi. Hozirda ulardan 32 nafari omon qolgani maʼlum.